10/10/2006

                                     ከደቡብ አፍሪካ     

                         እልል ብለናል

          ዓለም ዓቀፍ የኢትዮጵያ ሴቶች ድርጅት  መመስረቱን የሚያበሥር ዜና ደብተራው በሚባለው ድሕረ ገጽ ላይ ስንመለከት የተሰማን ደስታ ልክ አልነበረውም ።  እኛ ስማችን ሃና ከበደ፣ ሳራ ሰለሞንና  ዘውዲቱ መንገሻ የተባልን ሴቶች ሶስታችንም የምንኖረው በደቡብ አፍሪካ ሲሆን ቀደም ብሎ በሳውዲ አረቢያ ሪያድ ውስጥ  ስንኖር ቆይተን በዓመታችን ከሳውዲ አረቢያ ተጠርፈን ወደ ኢትዮጵያ ተመልሰን ነበር።  መጀመሪያውኑም ከሃገራችን ተሰደን ወደ አረብ አገር የሄድነው በሃገራችን ውስጥ የተረጋጋና በሰላም የመኖር ተስፋው ሲጨልምብንና ሰርቶ የመብላት እድሉ ሲጠብብን አንዳዶቻችን ልጅ እናሳድግ ብለን፣ አንዳዶቻችን ደግሞ ደካማ ወላጆቻችንን ልንረዳ ያስችለን ይሆናል ከሚል በመቸገር ነው።  ሆኖም ግን እድላችን ሆኖ በሳውዲያ አረቢያ ተደብቀን እንኖርበት የነበረበት ቦታ ተይዘን ከተመልስን በኋላ እንደገና ከኢትዮጵያ ወደ ደቡብ አፍሪካ በመሄድ ያንኑ የተሰደድንበትን ችግራችንን ለመወጣትና ሰርተን ለመብላት ብለን  እዚህ እንኖራለን።  ይህንን የሴቶች ድርጅት የመመስረቱን ዜና አይተው የነገሩን ጓደኞቻችንን(ኢትዮጵያዊያን አይደሉም)  ስንጠይቃቸው ያገኙበትን ድህረ ገጽ ሲያሳዩን በራሳችን ቋንቋ በአማርኛ ተጽፎ ተመለከትን።  ይበልጥ ተደሰትን።  ውድ እህቶቻችን ! በሀገራችን ውስጥ ባለው ያለመረጋጋት ሁኔታ ተገፍተን በስደት በሰው አገር ለዚያውም አፍሪቃ ውስጥ ስንኖር ለጊዜው የመጠለያ ያህልና እጆቻችንን ጠብቀው ለሚያድሩት ልጆቻችንና ወላጆቻችን ስንል እንደሆነ የምትረዱት ቢሆንም እንዲህ አይነት ያለመረጋጋት  በዓለም ላይ እስከአለ ድረስ በየትኛውም ቦታ ቢሆን የመጀመሪያው የችግሩ ሰለባዎችና ተጠቂዎች እኛና ልጆቻችን መሆናችንን ስናስብ ምን ያህል በድቅድቅ ጨለማ ውስጥ እንድምንባዝን አመላካች ነው። በእንዲህ አይነት ድቅድቅ ጨለማ ውስጥ መሬት ተደፍቶብን በምንኖርበት ሁኔታ ላይ ኢትያጵያዊ የሆነ ዓለም ዓቀፍ የኢትዮጵያ ሴቶች ድርጅት ተመሰረተ መባልን ስንሰማ ባይመቱበትም ያስፈራሩበታል እንድሚባለው በደቡብ አፍሪካ የምንኖረው እኛና ብዙ እህቶቻችን ሰለራሳችን ችግሮች የምንተነፍስበት ቤት ያገኘን ያህል ተመለክተነዋል።  እያንዳንዱ አንዳንድ ጡብ ካስቀመጠ ቤት ይሰራል ተብሏልና እባካችሁ የድርጅቱን አድራሻ አሳውቁንና እኛም በቤታችን አንዳንድ ነገሮች እንጨዋወት።  ድምጻችሁ አይጥፋ እንላችኋለን።       

           ሃና ከበደ

          ሳራ ሰለሞንና

           ዘውዲቱ መንገሻ ነን!